Կանադայի նոր վարչապետը հայտարարել է ԱՄՆ-ի հետ լավ հարաբերություններ պահպանելու ցանկության մասին

Կանադայի նոր վարչապետ Մարկ Քարնին հայտարարել է ԱՄՆ-ի հետ հնարավորինս դրական հարաբերություններ պահպանելու ցանկության մասին:

Ինչպես հաղորդում է «Արմենպրես»-ը, վկայակոչելով «ՌԻԱ Նովոստին», այս մասին Կանադայի նոր վարչապետը հայտարարել է Փարիզում՝ Ֆրանսիայի նախագահ Էմանուել Մակրոնի հետ կայացած մամուլի ասուլիսում:

«Ես ցանկանում եմ ապահովել, որ Ֆրանսիան և ամբողջ Եվրոպան եռանդով աշխատեն Կանադայի հետ, ինչպես նաև հնարավորինս դրական հարաբերություններ պահպանել Միացյալ Նահանգների հետ»,- ասել է Մարկ Քարնին: