390.9
Հունգարիան չի աջակցում Ուկրաինային օգնության նոր փաթեթի վերաբերյալ ԵՄ առաջարկին
1 րոպեի ընթերցում
Հունգարիան չի աջակցում Ուկրաինային առնվազն 20 միլիարդ եվրո արժողությամբ ռազմական օգնության նոր փաթեթ հատկացնելու ԵՄ առաջարկին և չի մասնակցի դրան։
Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին ԵՄ ԱԳ նախարարների հանդիպումից հետո հայտարարել է Հունգարիայի արտգործնախարար Պետեր Սիյարտոն։
«Եվրահանձնաժողովն առաջարկում է ևս 20 միլիարդ եվրո ծախսել Ուկրաինային զենք մատակարարելու վրա։ Բնականաբար, Հունգարիան ընդհանրապես չի աջակցում այդ առաջարկին, և մենք նույնպես պատրաստ չենք դրան մասնակցել։ Մենք թույլ չենք տա, որ հունգարական փողերը օգտագործվեն զենքի հետագա մատակարարման համար, քանի որ այն կծախսվի պատերազմի երկարացման վրա», - ասել է Սիյարտոն հունգարացի լրագրողներին։
Հեռարձակումն իրականացվել է «Ֆեյսբուք» սոցիալական ցանցում։
Բաժանորդագրվեք մեր ալիքին Telegram-ում