392.34
Իսրայելն արձագանքել է պատանդներին ազատ արձակելու ՀԱՄԱՍ-ի որոշմանը
2 րոպեի ընթերցում
Պաղեստինյան ՀԱՄԱՍ շարժման կողմից վեց պատանդների ազատ արձակելու որոշումը կայացվել է Իսրայելի և ԱՄՆ-ի ճնշման ներքո և չի նախաձեռնվել շարժման անդամների կողմից։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է Իսրայելի վարչապետի գրասենյակը:
«Բանակցություններում ներգրավված ենթադրյալ աղբյուրների պնդումներն այն մասին, որ ՀԱՄԱՍ-ն է ազդել պատանդների թվի ավելացման վրա, որոնց շարժումը պետք է ազատի, անհեթեթ են և ՀԱՄԱՍ-ի քարոզչության մաս են կազմում»,- ասվում է զեկույցում:
Իսրայելի վարչապետի գրասենյակը պարզաբանում է, որ մոտ երկու շաբաթ առաջ Նեթանյահուն հրաման է տվել հասնել մնացած կենդանի պատանդների ազատմանը մեկ փոխանակման, ոչ թե երկուսի միջոցով։ Ենթադրվում է, որ նրանք նպատակին հասել են Իսրայելի վարչապետի ջանքերի և ԱՄՆ նախագահ Դոնալդ Թրամփի վերջնագրի շնորհիվ։
Զեկույցում նշվում է նաև, որ ՀԱՄԱՍ-ն է ի սկզբանե ծրագրել խախտել համաձայնագրի պայմանները և դադարեցնել իսրայելցի պատանդների ազատ արձակումը։
Փետրվարի 19-ից Իսրայելը և ՀԱՄԱՍ-ը իրականացնում են Գազայում հրադադարի և պաղեստինցի բանտարկյալների դիմաց պատանդների ազատ արձակման երկրորդ գործարքը։ Արդեն տեղի է ունեցել պատանդների փոխանակում բանտարկյալների հետ։ Իսրայելի պաշտոնյաների տվյալներով՝ Գազայում մնում է 73 պատանդ, այդ թվում՝ մահացած ճանաչվածները։
Բաժանորդագրվեք մեր ալիքին Telegram-ում