391.74
ԱՄՆ-ն և Ռուսաստանը մտադիր են պահպանել երկխոսությունը հարաբերություններում կուտակված խնդիրների լուծման համար
1 րոպեի ընթերցում
ԱՄՆ-ն և Ռուսաստանը պայմանավորվել են պահպանել հաղորդակցությունը հարաբերություններում կուտակված խնդիրները լուծելու համար:
«Արմենպրես»-ի հաղորդմամբ՝ ինչպես նշված է ՌԴ արտաքին գործերի նախարարության տարածած հաղորդագրության մեջ, ամերիկյան կողմի նախաձեռնությամբ փետրվարի 15-ին հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և ԱՄՆ պետքարտուղար Մարկո Ռուբիոյի միջև։
Հաղորդագրության համաձայն՝ Ռուսաստանի և Միացյալ Նահանգների նախագահների հեռախոսազրույցից հետո արտաքին քաղաքականության գերատեսչությունների ղեկավարները պայմանավորվել են պահպանել հաղորդակցության ուղիները ռուս-ամերիկյան հարաբերություններում կուտակված խնդիրները լուծելու համար:
Կողմերը հայտնել են իրենց տրամադրվածության մասին՝ համագործակցելու արդի միջազգային հարցերի, այդ թվում՝ Ուկրաինայում, Պաղեստինում և ընդհանրապես Մերձավոր Արևելքում ու տարածաշրջանային այլ ոլորտներում իրավիճակի կարգավորման շուրջ:
Լավրովը և Ռուբիոն հաստատել են իրենց պատրաստակամությունը՝ համատեղ աշխատելու՝ փոխադարձաբար հարգալից միջպետական երկխոսությունը վերականգնելու ուղղությամբ։
Բաժանորդագրվեք մեր ալիքին Telegram-ում