«Նոա»-ն վերադարձել է հավաքից

Երևանի «Նոա» ֆուտբոլային ակումբը վերսկսել է մարզումները` նախապատրաստվելով ներքին առաջնության մեկնարկին:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Թիմը սկսել է նախապատրաստվել գավաթի խաղարկության 1/8 փուլի «Ալաշկերտ»-ի դեմ առաջիկա հանդիպմանը: Պրեմիեր լիգայի շրջանակներում «Նոա»-ն 20-րդ տուրում կմրցի «Վեստ Արմենիա»-ի հետ: 

Հայաստանի ֆուտբոլի առաջնությունում` Պրեմիեր լիգայում, այժմ ձմեռային դադար է: Մրցաշարային աղյուսակի միանձնյա առաջատարը «Նոա»-ն է: Մրցաշրջանի երկրորդ հատվածը կմեկնարկի փետրվարի 23-ին: