Գավառում ընթանում են ճանապարհների փոսային նորոգման աշխատանքներ

ԳԱՎԱՌ, 23 ԱՊՐԻԼԻ, ԱՐՄԵՆՊՐԵՍ։ Գեղարքունիքի մարզի Գավառ համայնքում սկսվել և ընթանում են ասֆալտապատ փողոցների փոսային նորոգման աշխատանքները։

Ինչպես «Արմենպրես»-ը տեղեկացավ Գեղարքունիքի մարզպետի աշխատակազմից,

Ասֆալտապատ ճանապարհների վնասված հատվածներում փոսային նորոգումներ իրականացնելու նպատակով Գավառ համայնքի 2024 թվականի բյուջեից հատկացվել է 19 միլիոն 254 հազար դրամ։

Նորոգվելու է Գավառ քաղաքի և համայնքի կազմում ընդգրկված Գեղարքունիք, Լանջաղբյուր, Սարուխան, Կարմիրգյուղ, Գանձակ, Ծաղկաշեն, Նորատուս, Հայրավանք, Լճափ, Ծովազարդ, Բերդկունք բնակավայրերի ասֆալտապատ ճանապարհների վնասված հատվածները՝ շուրջ 3 հազար քառակուսի մետր մակերեսով։

Ճանապարհների նորոգման աշխատանքներն իրականացնում է «Քյավառ Սերվիս» ԱՊԸ-ն։

Խոսրով Խլղաթյան