Միջազգային

Արգենտինայում ոստիկանությունն արցունքաբեր գազ է կիրառել ցուցարարների դեմ

1 րոպեի ընթերցում

Արգենտինայում ոստիկանությունն արցունքաբեր գազ է կիրառել ցուցարարների դեմ

ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Իրավապահ մարմինները Արգենտինայի Կոնգրեսի շենքի մոտ հակակառավարական ցույցի մասնակիցների դեմ արցունքաբեր գազ են կիրառել։ Այդ մասին տեղեկացնում է «Արմենպրես»-ը՝ վկայակոչելով «ТАСС»-ը։

Հարյուրավոր մարդիկ հավաքվել էին խորհրդարանի շենքի մոտ, երբ երկրի նախագահ Խավիեր Միլեյը ելույթ էր ունենում ներսում։ Ցույցի ժամանակ ծեծկռտուք է սկսվել պետության ղեկավարի կողմնակիցների և նրա քաղաքականության դեմ բողոքողների միջև։

Բուենոս Այրես նահանգի «Ճշմարտության հանձնաժողով» հասարակական կազմակերպության տվյալներով՝ արցունքաբեր գազից տուժել է 20 մարդ։

Միլեյի կառավարությունը, ով պաշտոնը ստանձնել է 2023 թվականի դեկտեմբերի 10-ին, նոր կանոնակարգեր է մտցրել ցուցարարների կողմից փողոցները փակելու դեմ պայքարելու համար։ Իշխանությունները ոստիկանությանը թույլ են տվել հատուկ տեխնիկա և ուժ կիրառել՝ ազատ երթևեկությունն ապահովելու համար։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում