Երևանի Թաթուլ Կրպեյանի անվան զբոսայգուն հարակից 26 հա տարածքը նախատեսվում է սահմանազատել և կանաչապատել

ԵՐԵՎԱՆ, 29 ՓԵՏՐՎԱՐԻ, ԱՐՄԵՆՊՐԵՍ։ Երևանի քաղաքապետի որոշմամբ մեկնարկել են Նոր Նորք վարչական շրջանի Լվովյան փողոցի մի քանի հասցեների ապօրինի շինությունների ապամոնտաժման աշխատանքները: Ինչպես «Արմենպրես»-ին տեղեկացրին Երևանի քաղաքապետարանից, տասնամյակներ շարունակ զավթված տարածքները վերադարձվում են համայնքին:

Ըստ աղբոյւրի՝ Թաթուլ Կրպեյանի անվան զբոսայգուն հարակից 26 հա տարածքը նախատեսվում է ամբողջությամբ սահմանազատել և կանաչապատել:

Նշվում է, որ ապօրինի շինությունների ապամոնտաժման գործընթացը կրում է շարունակական բնույթ. զավթված հողատարածքները փուլ առ փուլ կվերադարձվեն համայնքին և կբարեկարգվեն ու կկանաչապատվեն: