Հասարակական

Գիտությունը՝ տնտեսության արտադրողականության բարձրացման միջոց. ինչ կտան Հայաստանին «Գիտության և գործարարության օրեր»-ը

5 րոպեի ընթերցում

Գիտությունը՝ տնտեսության արտադրողականության բարձրացման միջոց. ինչ կտան Հայաստանին «Գիտության և գործարարության օրեր»-ը

ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Հայաստանում «Գիտության և գործարարության օրեր 2023» համաժողովը մի հարկի տակ կհավաքի անվանի գիտնականների, գործարարների ու պաշտոնյաների՝ օգնելու կամրջել գիտության և գործարարության ոլորտները, պարզել, թե ինչ և ինչպես անել, որ բիզնեսը երկրում դառնա ավելի գիտելիքահեն, հետևապես տնտեսությունը՝ ավելի բարձր արտադրողական:

«Արմենպրես»-ի փոխանցմամբ՝ Հայաստանի էկոնոմիկայի նախարարության կողմից նախաձեռնված և արդեն երկրորդ տարին անցկացվող երկօրյա համաժողովին (դեկտեմբերի 1-2) ընդառաջ ասուլիսով հանդես եկան Հայաստանի էկոնոմիկայի նախարար Վահան Քերոբյանն ու համաժողովի պատվավոր հյուր աշխարհահռչակ փիլիսոփա, գրող և գիտնական Նասիմ Թալեբը:

«Համաժողովը նպատակ ունի գիտնականների, բիզնեսմենների և այլ հետաքրքրված անձանց միջոցով պարզել, թե ինչպես պետք է անել, որ Հայաստանում բիզնեսը դառնա ավելի գիտելիքահեն, տնտեսությունը դառնա ավելի նորարար, մրցունակ»,-ասաց Էկոնոմիկայի նախարար Վահան Քերոբյանը:

Համաժողովին ելույթ կունենան բազմաթիվ բանախոսներ՝ այդ թվում հայտնի գիտնականներ:

Համաժողովի պատվավոր հյուր Նասիմ Թալեբը մեծ պատիվ համարեց Հայաստանում այս կարևոր համաժողովին մասնակցելը: Թեև առաջին անգամ էր Հայաստանում, սակայն, ինչպես ինքն ասաց՝ զգում է ինչպես տանը:

«Ինձ համար կրկնակի ուրախություն է, որ ես «Գիտության և գործարարության օրեր 2023»-ին եմ ներկա գտնվելու:Ես ինձ համարում եմ գործարար: Այսինքն՝ որպես գործարար եմ անցել գիտության ճանապարհը: Այս ճանապարհն այնքան ստանդարտ չի եղել, ոչ ավանդական կերպով եմ գնացել: Սովորաբար այլ անցում են կատարում դեպի գիտություն, իսկ իմ ճանապարհը տարբերվել է: Երբ գիտությունից գալիս եք իրականություն, դա մեկ այլ բան է, իսկ երբ իրականություն եք գալիս գիտություն, բոլորովին այլ բան է, սա լիովին այլ աշխարհ է»,-ասաց Նասիմ Թալեբը:

Անվանի գիտնականը նկատեց՝ երբեմն գիտությունը դիտարկում են որպես վերացական մի երևույթ, որն իրականությունից կտրված է: Սակայն դա այդպես չէ: «Մենք ապրում ենք ֆիզիկական աշխարհում և պետք է կենտրոնանանք այն գիտելիքի վրա, որն իսկապես պրակտիկորեն կարելի է կիրառել, այլ ոչ այն գիտելիքի, որը դասագրքային է և տեսական բնույթ է կրում»,-ասաց Թալեբը:

Զարգացման ուղի բռնած տարբեր երկրներ, տարբեր կազմակերպություններ, ըստ նրա, հաճախ սխալ են կատարում. բացում են մեկ համալսարան, ոչ թե դպրոցներ, ավագ դպրոցներ, քոլեջներ: «Պետք է կենտրոնանալ տեխնիկական, պրակտիկ, գործնական գիտելիքների վրա: Դա կարևոր կլինի նաև Հայաստանի համատեքստում»,-ասաց նա:

Անդրադառնալով հարցին, թե գիտության և գործարարության ոլորտների փոխգործակցությունն ի՞նչ կտա երկրի տնտեսությանը, ի՞նչ չափով կարող է ազդել տնտեսական աճի վրա՝ Վահան Քերոբյանը հիշեցրեց, որ Հայաստանի տնտեսական քաղաքականության գլխավոր առանցքը պտտվում է աշխատանքի արտադրողականության շուրջ: Կառավարության բոլոր գործողությունները, բոլոր ծրագրերն ուղղված են նրան, որ ընկերությունները դառնան ավելի բարձր արտադրողական, ավելի արդյունավետ:

Այդ առումով աճի մի քանի հենասյուներ կան, որոնց արդյունքում կարելի է հասնել նշված թիրախին: Դրանց մեջ է ընկերությունների արդիականացումը: Նախարարը հիշեցրեց կառավարության՝ տնտեսության արդիականացմանն ուղղված մասշտաբային ծրագրի մասին:

«Մենք նախաձեռնություններ ունենք՝ ընկերություններն օժանդակելու թվայնացման ուղղությամբ, բարձր որակավորում ունեցող մասնագետների ներգրավմամբ: Բայց պետք է նշել նաև, որ ընկերությունների կողմից գիտահետազոտական աշխատանքների իրականացումն ու գիտության ներծծումն իրենց բիզնեսի մեջ, տալիս է մրցակցային առավելություն ամբողջ աշխարհում, դարձնում է ավելի բարձր արտադրողական, ավելի մրցունակ, ավելի շատ շուկաների հասանելիություն ունեցող և այլն: Այդ առումով մեզ համար շատ կարևոր է, որ ընկերությունները գիտությանը չվերաբերեն որպես վերացական և իրական կյանքի հետ կապ չունեցող երևույթի, այլ հակառակը՝ ներդրումներ անեն գիտահետազոտական աշխատանքների մեջ, ստանան իրենց համար ցանկալի արդյունքները, որը կարողանան հետո կիրառել իրենց արտադրանքի, իրենց ծառայությունների մեջ և դառնան ավելի բարձր արժեք ունեցող, ավելի մրցունակ արտադրանք արտահանող կամ վաճառող ընկերություններ»,-ասաց Քերոբյանը:

Նախարարը կարևորեց համաժողովը՝ մեկ հարկի տակ հավաքելու գիտնականներին, գործարարներին, պետական պաշտոնյաներին՝ հասկանալու, թե ինչպես միավորել այս երեք համայնքներին՝ ստանալու ավելի բարձր արտադրողական տնտեսություն:

Երևանի «Ոսկե ծիրան» 21-րդ միջազգային կինոփառատոնը հատեց եզրագիծը. հայտնի են մրցանակակիրները

Մշակույթ

Երևանի «Ոսկե ծիրան» 21-րդ միջազգային կինոփառատոնը հատեց եզրագիծը. հայտնի են մրցանակակիրները

ՀՀ վարչապետն ընդունել է ԱՄՆ պետքարտուղարի տեղակալին

Քաղաքականություն

ՀՀ վարչապետն ընդունել է ԱՄՆ պետքարտուղարի տեղակալին

Հայաստանի և Չեռնոգորիայի միջև հարաբերություններն ունեն զարգացման և խորացման մեծ ներուժ. ՀՀ նախագահ

Քաղաքականություն

Հայաստանի և Չեռնոգորիայի միջև հարաբերություններն ունեն զարգացման և խորացման մեծ ներուժ. ՀՀ նախագահ

ՀՀ ԱԳՆ-ն շնորհավորել է Չեռնոգորիային Պետականության օրվա առթիվ

Քաղաքականություն

ՀՀ ԱԳՆ-ն շնորհավորել է Չեռնոգորիային Պետականության օրվա առթիվ

Հայաստանում առաջիկա օրերին օդի ջերմաստիճանը կնվազի

Երևան

Հայաստանում առաջիկա օրերին օդի ջերմաստիճանը կնվազի

ANCA-ի երիտասարդներն ԱՄՆ օրենսդիրներին կոչ են արել ապահովել հայ գերիների ազատ արձակումը, պատասխանատվության ենթարկել Ադրբեջանին

Քաղաքականություն

ANCA-ի երիտասարդներն ԱՄՆ օրենսդիրներին կոչ են արել ապահովել հայ գերիների ազատ արձակումը, պատասխանատվության ենթարկել Ադրբեջանին

Արագածոտնի մարզում վարչապետը ծանոթացել է 2023-ին իրականացված աշխատանքներին և ընթացքի մեջ գտնվող ծրագրերին

Տնտեսություն

Արագածոտնի մարզում վարչապետը ծանոթացել է 2023-ին իրականացված աշխատանքներին և ընթացքի մեջ գտնվող ծրագրերին

Ֆրանչայզինգ. բիզնեսի ընդլայնման նոր հնարավորություններ

Տնտեսություն

Ֆրանչայզինգ. բիզնեսի ընդլայնման նոր հնարավորություններ

Հայ-իրանական սահմանին Իրանի քաղաքացուն ծեծելու դեպքի առթիվ նախաձեռնվել է քրեական վարույթ. ՀՀ ՔԿ

Իրավունք

Հայ-իրանական սահմանին Իրանի քաղաքացուն ծեծելու դեպքի առթիվ նախաձեռնվել է քրեական վարույթ. ՀՀ ՔԿ

ՀՀ ՆԳՆ-ից մեկնաբանել են հայ-իրանական սահմանային անցակետում Իրանի քաղաքացուն ծեծի ենթարկելու մասին լուրերը

Իրավունք

ՀՀ ՆԳՆ-ից մեկնաբանել են հայ-իրանական սահմանային անցակետում Իրանի քաղաքացուն ծեծի ենթարկելու մասին լուրերը

ՀՀ վարչապետն ու Չինաստանի դեսպանը գոհունակությամբ ընդգծել են, որ երկու երկրների միջև մեկնարկելու են ուղիղ ավիաթռիչքներ

Քաղաքականություն

ՀՀ վարչապետն ու Չինաստանի դեսպանը գոհունակությամբ ընդգծել են, որ երկու երկրների միջև մեկնարկելու են ուղիղ ավիաթռիչքներ

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում