Ազգային ժողովն արտահերթ նիստ է գումարել. ՈՒՂԻՂ

ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ազգային ժողովում կառավարության նախաձեռնությամբ գումարվել է արտահերթ նիստ:

«Արմենպրես»-ի հաղորդմամբ՝ արտահերթ նիստի օրակարգում ընդգրկված է 8 հարց:

Օրակարգում է նաև «Հայաստանի Հանրապետության 2023 թվականի պետական բյուջեի մասին» օրենքում լրացում կատարելու մասին օրենքի նախագիծը:

Նախատեսվում է, որ խորհրդարանն առաջին ընթերցմամբ քննարկելուց և ընդունելուց հետո նաև երկրորդ ընթերցմամբ կքննարկի «Պետական կենսաթոշակների մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը: