Հասարակական

Բարսելոնա, Տիվատ, Բուրգաս. «FLYONE ARMENIA»-ն ավելացնում է նոր ուղղություններ

3 րոպեի ընթերցում

Բարսելոնա, Տիվատ, Բուրգաս. «FLYONE ARMENIA»-ն ավելացնում է նոր ուղղություններ

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ։ «FLYONE ARMENIA» ավիաընկերությունը ընդլայնում է թռիչքների աշխարհագրությունն՝ ավելացնելով նոր ուղղություններ։ «Արմենպրես»-ի մամուլի սրահում հրավիրված ասուլիսում այս մասին նշեց «FLYONE ARMENIA» ընկերության խորհրդի նախագահ Արամ Անանյանը։

«Առաջիկայում մեկնարկելու ենք կանոնավոր թռիչքներ դեպի Բարսելոնա, Տիվատ, Բուրգաս։ Թռիչքների ավելացում կա նաև դեպի Մոսկվա ուղղությամբ, մասնավորապես, Շերեմետևո օդանավակայան։ Այդպիսով՝ Մոսկվայում 4 օդանավակայններից երեքում կունենանք չվերթներ»,- ասաց Արամ Անանյանը։

«FLYONE ARMENIA» ընկերությունն իրականացնում է երկու տասնյակից ավելի ուղղություններով չվերթներ՝ Ռուսաստան, Եվրոպա, Մերձավոր Արևելք։

Արամ Անանյանի խոսքով՝ վերջին շրջանում չվացուցակի բոլոր խնդիրները հաղթահարվում են։ «FLYONE ARMENIA»-ի մոտ առկա է չվացուցակի՝ 90 տոկոսից ավելի համապատասխանեցում։ Թե ուղևորների անվտանգությունը, թե անվտանգ ավիափոխադրումը, թե չվացուցակին համապատասխանելը ավիաընկերության առաջնահերթ հարցերն են։ Արամ Անանյանը նշեց, որ ամեն ինչ արվում է այդ ուղղությամբ ցուցանիշները բարելավելու համար։ Ավիաընկերության կառավարման համակարգում ներգրավվել են նոր մասնագետներ։

«Ունենք օդանավային մեծ պարկ։ Շուրջ 8 օդանավ չվերթներ է իրականացնում «FLYONE ARMENIA» ավիաընկերության համար։ Առաջիկայում օդանավերի պարկը թե թարմացնելու ենք, թե ընդլայնելու։ Լրջագույն հեռանկարներ ենք տեսնում ավիացիոն փոխադրումների զարգացման համար։ Որպես ավիաընկերություն մենք նկատելի ներդրում ենք բերել այդ հարցում։ Ասեմ, որ վերջին շրջանում նկատելի անկում կա ավիատոմսերի գների առումով։ Ավիացիոն փոխադրումները դառնում են շատ ավելի հասանելի ու մատչելի, և մենք չենք կարող մեր դերն այստեղ չտեսնել»,-ասաց Արամ Անանյանը։

Ավիաընկերությունը նաև իր գործունեությամբ նպաստում է Երևանի տարանցիկ հարթակ լինելու դերի բարձրացմանը։ «FLYONE ARMENIA»-ի չվերթները հնարավորություն են տալիս այլ ավիաընկերություններին Հայաստան տեղափոխել ուղևորներ, որոնք իրենց ուղևորությունը շարունակում են «FLYONE ARMENIA»-ի հետ։

«FLYONE ARMENIA»-ն իր թռիչքային ծրագիրն ամբողջությամբ կարողանում է իրականացնել։ Խոսելով Թուրքիայի կողմից օդային տարանցման արգելանքի մասին, որը կիրառվեց հայաստանյան բոլոր ավիաընկերությունների նկատմամբ, Արամ Անանյանը նշեց, որ եվրոպական գործընկեր ավիաընկերությունների ավիացիոն գործիքակազմի կիրառմամբ կարողացել են անել այնպես, որ բոլոր ուղևորները հասնեն իրենց նշանակման վայրերը։

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Հասարակական

ՀՀ ՆԳՆ փրկարար ծառայությունը մանրամասներ է հայտնել Աղվերանի հյուրանոցներից մեկի անցակետում տեղի ունեցած պայթյունի վերաբերյալ

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

Հասարակական

Աղվերանի հյուրանոցներից մեկի պահակակետում պայթյունի հետևանքով մեկ անձ տեղափոխվել է հիվանդանոց

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

Հասարակական

ENNHRI-ը հայտարարություն է տարածել ՀՀ ՄԻՊ-ի նկատմամբ քաղաքական գործիչների կողմից սպառնալիքների և հարձակումների առնչությամբ

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Հասարակական

ՀՀ Ազգային ժողովի նախագահի մամուլի քարտուղար Նելլի Ղուլյանը դադարեցնում է աշխատանքն այդ պաշտոնում

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Հասարակական

Նախաքննությամբ պարզվում են 4 մարդու կյանք խլած ավտովթարին հանգեցրած գործոնները. ՀՀ քննչական կոմիտե

Արմավիրի մարզի Ծաղկալանջ գյուղում ավտոմեքենա է այրվել

Հասարակական

Արմավիրի մարզի Ծաղկալանջ գյուղում ավտոմեքենա է այրվել

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

Հասարակական

Վայոց ձորի մարզի Գետափ-Մարտունի ավտոճանապարհին հողաշերտի փլվածքը մաքրվել է, ճանապարհը երկկողմանի երթևեկելի է

«Հայկական Ավիաուղիներ»-ը կթռչեն Ուֆա

Հասարակական

«Հայկական Ավիաուղիներ»-ը կթռչեն Ուֆա

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Հասարակական

ՃՏՊ Գորիս-Խնձորեսկ ավտոճանապարհին. կան տուժածներ և զոհ

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Հասարակական

Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 79 քաղաքացիական անձ և ոստիկան

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

Հասարակական

Եթե պարզվի, որ օրենքից դուրս որևէ բան է եղել, կտրվի համապատասխան արձագանք. Փաշինյանը՝ ոստիկանների գործողությունների մասին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում