Հասարակական

Աﬔնայն Հայոց Կաթողիկոսն այցելել է մարտական դիրքեր

1 րոպեի ընթերցում

Աﬔնայն Հայոց Կաթողիկոսն այցելել է մարտական դիրքեր

ԷՋՄԻԱԾԻՆ, 31 ԴԵԿՏԵՄԲԵՐԻ, ԱՐՄԵՆՊՐԵՍ: Ն․Ս․Օ․Տ․Տ․ Գարեգին Երկրորդ Ծայրագույն Պատրիարք և Աﬔնայն Հայոց Կաթողիկոսը ՀՀ զինված ուժերի հոգևոր առաջնորդ Հոգեշնորհ Տ․ Մովսես վարդապետ Սարգսյանի, Գեղարքունյաց թեմի առաջնորդական տեղապահ Հոգեշնորհ Տ․ Պարթև վարդապետ Բարսեղյանի և Մայր Աթոռ Սուրբ Էջմիածնի միաբանների ուղեկցությամբ դեկտեմբերի 31-ին այցելել է Հայաստանի Հանրապետության արևելյան սահմանագծի մարտական դիրքեր:

Ինչպես «Արմենպրես»-ին տեղեկացրին Մայր Աթոռի տեղեկատվական համակարգից, Նորին Սրբությանը դիմավորել է ՀՀ պաշտպանության նախարարության գլխավոր շտաբի պետի տեղակալ, գեներալ-մայոր Առաքել Մարտիկյանը։

Ըստ աղբյուրի՝ Հայոց Հայրապետը, իր օրհնությունն ու բարեմաղթանքները փոխանցելով հայրենյաց պաշտպաններին, մեծապես արժևորել է հայ զինվորների և հրամանատարների նվիրյալ ու անձնվեր ծառայությունը հայրենիքին։

Ամենայն Հայոց Կաթողիկոսն անփորձանք և ապահով ծառայություն է մաղթել ամենքին՝ նշելով, որ մեր զինվորականները մշտապես Հայոց Հայրապետի և հայ եկեղեցականների աղոթքներում են։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում