Դեկտեմբերի 5-ին սպասվող իրադարձությունները
09:30, 5 Դեկտեմբեր, 2019ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Այսօր՝ դեկտեմբերի 5-ին, կկայանա կառավարության հերթական նիստը:
Սպիտակի երկրաշարժի տարելիցի օրվան ընդառաջ ՀՀ քաղաքաշինության կոմիտեն կներկայացնի անօթևանների բնակապահովման ուղղությամբ իրականացված աշխատանքները:
Ազգային ժողովում կշարունակվի քառօրյա նիստը:
Երևանում կանցկացվի «Թոքի քաղցկեղ. շարունակական խնդրի արդի մոտեցումները» թեմայով համաժողով:
Առողջապահական մեկ այլ թեմայի մասին: «Հիվանդությունների վերահսկման և կանխարգելման ազգային կենտրոնի» հատուկ վտանգավոր և օդակաթիլային վարակների բաժնի պետ Լիանա Թորոսյանը կներկայացնի սուր շնչառական վարակների հետ կապված իրավիճակը:
Հայաստանի ազգային գրադարանում կկայանա անվանի կոմպոզիտոր Ռոբերտ Ամիրխանյանի ծննդյան 80-ամյակին նվիրված մեծ միջոցառում: Կհնչեն երգեր, որոնք Ռոբերտ Ամիրխանյանը մինչ այժմ չի կատարել:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
© 2009 ARMENPRESS.am