Երևանում բախվել են գնացքը և ավտոմեքենան. կա տուժած
12:34, 3 Դեկտեմբեր, 2019ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: «911» ծառայությունը դեկտեմբերի 3-ին, ժամը 00:50-ին տեղեկություն է հաղորդել, որ ժամը 00:10-ի սահմաններում Երևանի Նորագավթի 1-ին փողոցում տեղի է ունեցել ավտովթար:
Այս մասին «Արմենպրես»-ին տեղեկացրին ՀՀ ԱԻՆ լրատվական ծառայությունից:
Բախվել են «Հարավկովկասյան երկաթուղի» ՓԲԸ-ի գնացքը և ավտոմեքենան, ինչի հետևանքով վերջինիս ուղևորը, ստանալով մարմնական վնասվածքներ, հոսպիտալացվել է «Աստղիկ» ԲԿ:
ԱԻՆ ճգնաժամային կառավարման ազգային կենտրոնից կապ է հաստատվել «Հարավկովկասյան երկաթուղի» ՓԲԸ-ի կարգավարի հետ, ով տեղեկացրել է, որ փրկարարների օգնության կարիքը չկա:
© 2009 ARMENPRESS.am