ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Դիարբեքիր քաղաքի քաղաքապետի պաշտոնակատար Հասան Բասրի Գյուզելօղլուն հայտնել է, որ այդ քաղաքում տրանսպորտը առավոտյան ժամը 06:00-ից մինչև երեկոյան 18:00-ն դառնալու է անվճար:

Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:

Գյուզելօղլուն նաև նշել է, որ իրենց հիմնական նպատակն է հասարակական տրանսպորտով երթևեկությունն ավելի հարմարավետ դարձնել, ինչի համար էլ երթուղայինները ապահոված կլինեն նաև համացանցից օգտվելու հնարավորությամբ: