ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: «911» ծառայությանը օգոստոսի 15-ին, ժամը 18:29-ին տեղեկություն է հաղորդվել, որ Շիրակի մարզի Գյումրի քաղաքի Շերամի թաղամասում այրվում է խոտածածկույթ:

Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 19:15-ին, մարվել՝ 19:47-ին: Այրվել է մոտ 30 հա խոտածածկույթ: