Առաջին դասարանցիների հերթագրման առցանց համակարգը լուծել է դպրոցների թերբեռնվածության խնդիրը
16:48, 15 Օգոստոս, 2019ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Երևանի պետական հանրակրթական դպրոցներում առաջին դասարանցիների հերթագրման առցանց համակարգը լուծել է որոշ դպրոցների թերբեռնվածության խնդիրները:
«Արմենպրես»-ի փոխանցմամբ` այս մասին օգոստոսի 15-ին լրագրողների հետ զրույցում հայտնեց ՀՀ կրթության, գիտության, մշակույթի և սպորտի նախարար Արայիկ Հարությունյանը:
«Կային շատ դպրոցներ, որոնք նախկինում թերբեռնված էին, և այն դպրոցները, որոնք իրենց լիցենզիայից շատ ստանում էին տեղեր և ընդունում էին, հիմա չեն կարողանում դա անել, և թերբեռնված դպրոցները հիմա նորմալ բեռնվածության են»,- ասաց նախարարը: