«Մանչեսթեր Յունայթեդ»-ը և «Յուվենտուս»-ը կարող են ֆուտբոլիստներ փոխանակել  

12:00, 31 Հուլիս, 2019

ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Անգլիական «Մանչեսթեր Յունայթեդ»-ը և իտալական «Յուվենտուս»-ը ֆուտբոլիստներ կփոխանակեն:

«Արմենպրես»-ի հաղորդմամբ` այս մասին գրում է Sky Sport-ը: Ակումբները նախնական պայմանավորվածություն են ձեռք բերել, ըստ որի Թուրինի «Յուվենթուս»-ից Պաուլո Դիբալան կգնա «Մանչեսթեր Յունայթեդ», իսկ «Կարմիր սատանաների» բելգիացի հարձակվող Ռոմելու Լուկակուն կմիանա «Ծեր սինյորա»-ին:

Պաուլո Դիբալան «Յուվենթուս»-ում է 2015 թվականից, որտեղ տեղափոխվել է «Պալերմո»-ից: Հարձակվողը թուրինյան ակումբի կազմում մասնակցել է 120-ից ավել հանդիպումների:

Ռոմելու Լուկակուն «Մանչեսթեր Յունայթեդ»-ում է 2017 թվականից ի վեր: Բելգիացին «Կարմիր սատանաների» կազմում մասնակցել է 66 խաղի:


© 2009 ARMENPRESS.am