ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: ՀՀ կառավարությունը մաքսատուրքից ազատման արտոնություն տրամադրեց «ՔԱՆԱՔԵՌԻ ԿԱՐԻ ՖԱԲՐԻԿԱ» սահմանափակ պատասխանատվությամբ ընկերությանը: «Արմենպրես»-ի փոխանցմամբ՝ այս մասին որոշման նախագիծը կառավարության հունիսի 27-ի նիստում ներկայացրեց ՀՀ Էկոնոմիկայի նախարար Տիգրան Խաչատրյանը:

«Ընկերությունը գործում է 1960թ., այս ոլորտի ամենաերկարատև գործունեություն իրականացնող կազմակերպություններից մեկն է: Առկա են 204 աշխատատեղեր, կստեղծվեն ևս մինչև 12 նոր աշխատատեղեր»,- ասաց նախարարը:

Արտադրանքի ընդհանուր ծավալը պետք է կազմի 753 մլն դրամ, որը ամբողջությամբ կիրացվի ՀՀ-ում: