Վլադիմիր Զելենսկին Լվովի մարզի ղեկավարին ընտրում է սոցցանցերի միջոցով
21:59, 14 Հունիս, 2019ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Ուկրաինայի նախագահ Վլադիմիր Զելենսկին սոցցանցերի միջոցով փորձում է երեք թեկնածուներից մեկին ընտրել Լվովի մարզի ղեկավարի պաշտոնում:
«Արմենպրես»-ի փոխանցմամբ՝ Զելենսկին «Ֆեյսբուք»-ի իր էջի հետևորդներից կարծիք է հարցրել երեք թեկնածուների մասին, տեղադրելով նրանց լուսանկարները:
«Օգնության համար դիմում եմ ձեզ: Այժմ մենք երեք թեկնածու ունենք Լվովի մարզի ղեկավարի պաշտոնի համար: Ցանկանում եմ այս պարոնների մասին իմանալ ձեր կարծիքը: Ի՞նչ գիտեք կամ ի՞նչ եք լսել նրանց հեղինակության, կառավարման և բարոյական որակների մասին: Եվ առհասարակ, ո՞վ է ձեզ ավելի շատ դուր գալիս»,- գրել է նախագահը: