ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Ֆուտբոլի Եվրոպայի լիգայի քառորդ եզրափակիչում կկայանան թիմերի պատասխան խաղերը:

«Արմենպրես»-ի հաղորդմամբ՝ անգլիական «Չելսի»-ն տանը կընդունի Պրահայի «Սլավիա»-ին, որին առաջին խաղում հաղթել էր նվազագույն հաշվով: «Վալենսիա»-ն սեփական հարկի տակ կխաղա «Վիլիառեալ»-ի հետ: Թիմերի առաջին հանդիպումն ավարտվել էր 3:1 հօգուտ «Վալենսիա»-ի: Գերմանական «Ֆրանկֆուրտ»-ն ուժերը կչափի «Բենֆիկա»-ի հետ, որին 2։4հաշվով պարտվել էր առաջին խաղում: Եվ Լոնդոնի «Արսենալ»-ը պատասխան խաղում կմրցի «Նապոլի»-ի հետ, որին առաջին խաղում հաղթել էր 2:0 հաշվով:

Հանդիպումները կմեկնարկեն Երևանի ժամանակով 23:00-ին: