Աբովյանի ներկայիս քաղաքապետը պատրաստվում է կրկին առաջադրվել
16:31, 17 Ապրիլ, 2019ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Աբովյանի քաղաքապետ Վահագն Գևորգյանը մտադիր է կրկին անգամ առաջադրել իր թեկնածությունը ՏԻՄ ընտրություններում:
«Արմենպրես»-ի հաղորդմամբ՝ այս մասին Գևորգյանը հայտնեց լրագրողների հետ զրույցում:
«Ես 4 տարի առաջ ընտրվել և աշխատել եմ Աբովյան համայնքի ղեկավար, գոնե այս պահին համայնքը բյուջեին ոչ մի լումա պարտք չունի: 4 տարվա ընթացքում ունեցել ենք 100 տոկոս և բարձր կատարողական: Ունենք համագործակցություն մի շարք միջազգային կազմակերպությունների, մարզային իշխանությունների, կառավարության հետ, ունենք նաև սուբվենցիոն ծրագրեր, որոնք կյանքի ենք կոչում: Կատարված աշխատանքները բավականին շատ են»,- նշեց Վահագն Գևորգյանը:
Տեղական ինքնակառավարման մարմինների ընտրությունները տեղի են ունենալու 2019 թվականին հունիսի 9-ին:
© 2009 ARMENPRESS.am