ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Մարսելի «Օլիմպիկ»-ի հայազգի երկու պատանի ֆուտբոլիստներ կհրավիրվեն Հայաստանի մինչև 19 տարեկանների հավաքական: Ինչպես փոխանցում է «Արմենպրես»-ը, այդ մասին հաղորդում է Nouvelles d`Armenie-ն:

Նրանք են` 17-ամյա կիսապաշտպան Թոմ Բանդիկյանը և 18-ամյա դարպասապահ Մանուել Նազարեթյանը:

Նախատեսվում է, որ ֆրանսահայ ֆուտբոլիստները Հայաստանի մինչև 19 տարեկանների հավաքականի կազմում կմասնակցեն ամռանը Երևանում կայանալիք Եվրոպայի պատանեկան առաջնության եզրափակիչ փուլին: