ՊՆ-ն քննարկում է մարտական հերթապահության մեջ ընդգրկված զինծառայողների պարտադիր ծառայության ժամկետը նվազեցնելու հնարավորության հարցը
18:49, 9 Ապրիլ, 2019ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: ՀՀ պաշտպանության նախարարությունը քննարկում է մարտական հերթապահության մեջ ընդգրկված զինծառայողների պարտադիր ժամկետային ծառայությունն ավելի նվազ, իսկ չընդգրկվածներինը՝ ավելի երկար սահմանելու հնարավորությունը: «Արմենպրես»-ի հաղորդմամբ՝ այս մասին ԱԺ պաշտպանության և անվտանգության հարցերի մշտական հանձնաժողովի նիստում ասաց ՀՀ պաշտպանության փոխնախարար Գաբրիել Բալայանը:
«Մենք հիմա քննարկում ենք ուսումնական փուլից հետո մարտական հերթապահության մեջ ընդգրկված զինծառայողների պարտադիր ժամկետային զինվորական ծառայությունն ավելի նվազ սահմանելու և մարտական հերթապահության մեջ չընդգրկված անձնակազմի պարտադիր ժամկետային ծառայությունն ավելի երկար սահմանելու վերաբերյալ նախագիծ ներկայացնելու հնարավորություն ու նպատակահարմարությունը»,-ներկայացրեց Բալայանը։
Նա նշեց, որ հնարավորություն կունենան դա քննարկելու:
© 2009 ARMENPRESS.am