ԿԽՄԿ պատվիրակները ռազմական համալսարանի ղեկավար կազմի հետ քննարկել են կրթական ծրագրերում միջազգային մարդասիրական իրավունքի ինտեգրման հարցեր
15:14, 19 Մարտ, 2019ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Կարմիր խաչի միջազգային կազմակերպության պատվիրակները՝ Քրիստոֆ Դեշարի գլխավորությամբ մարտի 18-ին այցելել են ՀՀ ՊՆ Վ. Սարգսյանի անվան ռազմական համալսարան: Ինչպես «Արմենպրես»-ին հայտնեցին ՀՀ ՊՆ տեղեկատվության և հասարակայնության հետ կապերի վարչությունից, ԿԽՄԿ և ՀՀ ՊՆ համագործակցության ծրագրի շրջանակներում պատվիրակները հանդիպել են ռազմական համալսարանի ղեկավար կազմին և քննարկել կրթական ծրագրերում միջազգային մարդասիրական իրավունքի ինտեգրման մի շարք հարցեր:
Ռազմական համալսարանի պետի պաշտոնակատար, գնդապետ Խ. Խաչատրյանը ներկայացրել է ուսումնական գործընթացի ապահովմանը և կատարելագործմանը վերաբերող հարցեր:
Հանդիպմանը մասնակցել են նաև «Պատիվ ունեմ» ծրագրով ռազմական համալսարանում ուսուցանվող կուրսանտներ:
© 2009 ARMENPRESS.am