ԱՄՆ նախագահի պաշտոնի համար պայքարող կին գործիչը կողմ է Հայոց ցեղասպանության ճանաչման օրինագծին
18:30, 22 Փետրվար, 2019ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: ԱՄՆ 2020թ. նախագահական ընտրություններում թեկնածությունն առաջադրելու մասին հայտարարած Ներկայացուցիչների պալատի դեմոկրատ անդամ Թուլսի Գաբարդն աջակցում է ԱՄՆ իշխանության կողմից Հայոց ցեղասպանությունն օրենսդրորեն ճանաչելու գաղափարին:
«Արմենպրես»-ի փոխանցմամբ` այս մասին Գաբարդը հայտնել է իր քարոզարշավի ընթացքում Հայոց ցեղասպանությունն ուսումնասիրող ուսանողների հետ զրույցում:
«Մենք սատարում ենք մի նախագծի, որը կոչ է անում ԱՄՆ իշխանություններին ճանաչել Հայոց ցեղասպանությունը: Այդ ճանաչումը մինչ այժմ տեղի չի ունեցել Վաշինգթոնի վրա թուրքական ճնշումների հետևանքով»,- ասել է Գաբարդը: