Վահան Թեքեյանի անվան դպրոցի տնօրենը նկատողություն կստանա. նախարարի անակնկալ այցի հետևանքը
13:47, 22 Հունվար, 2019ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: ՀՀ կրթության և գիտության նախարար Արայիկ Հարությունյանն անակնկալ այցելել է Երևանի Վահան Թեքեյանի անվան թիվ 92 դպրոց:
«Արմենպրես»-ի հաղորդմամբ՝ այս մասին նախարարը գրել է «Ֆեյսբուք» սոցիալական ցանցի իր էջում:
«Այցի արդյունքում տնօրենը կստանա նկատողություն՝ առաջին դասարանցիներին մի քանի քառակուսի մետր տարածքում տեղավորելու և նորմերը չպահպանելու համար»,- նշել է Հարությունյանը:
Նա հավելել է, որ նկատողության ծանրությունը կախված կլինի տնօրենի զեկուցագրից և հետագա ուսումնասիրությունների արդյունքներից: