ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանում առաջին անգամ պաշտպանության նախարարությունը և Հայաստանի պրակտիկ հրաձգության ֆեդերացիան դեկտեմբերի 24-29-ը կազմակերպում են դիպուկահարների համահայկական մրցաշար: «Արմենպրես»-ին այս մասին տեղեկացրին ՀՀ պաշտպանության նախարարությունից:

Թեժ ու անզիջում պայքարում իրենց ուժերը կչափեն լավագույն նշանառուները Հայաստանից և Արցախից: Հաղթանակի բերկրանքը վայելողներին սպասվում են հաղթողին վայել մրցանակներ: