ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Գեղասահքի Հայաստանի հավաքականի անդամներ Սլավիկ Հայրապետյանը և Անաստասիա Գալուստյանը մասնակցել են միջազգային մրցաշարի:

«Արմենպրես»-ի հաղորդմամբ` Էստոնիայի մայրաքաղաք Տալլինում կայացած միջազգային մրցաշարի տղամարդկանց մենասահքում Սլավիկ Հայրապետյանը ընդհանուր հաշվարկում հավաքելով 209.58 միավոր՝ զբաղեցրել է 4-րդ հորիզոնականը:

Կանանց մենասահքում Հայաստանի ներկայացուցիչ Անաստասիա Գալուստյանը 155.70 միավորով գրավել է 9-րդ տեղը: