ՀՀԿ-ն արտահերթ խորհրդարանական ընտրություններում հանդես կգա «Եթե մտահոգ ես, ընտրի՛ր Հանրապետականին» կարգախոսով

17:32, 22 Նոյեմբեր, 2018

ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Հայտնի է դարձել Հայաստանի Հանրապետական կուսակցության կարգախոսն Ազգային ժողովի արտահերթ ընտրություններում: Ինչպես հաղորդում է «Արմենպրես»-ը, կուսակցությունն առաջիկա արչտահերթ խորհրդարանական ընտրություններում հանդես կգա «Եթե մտահոգ ես, ընտրի՛ր Հանրապետականին» կարգախոսով:

Արտահերթ խորհրդարանական ընտրություններում ՀՀԿ-ի կարգախոսի մասին «Ֆեյսբուք»-ի իր էջի միջոցով հայտնել է կուսակցության փոխնախագահ, Ազգային ժողովի ՀՀԿ խմբակցության պատգամավոր Արմեն Աշոտյանը:

Հայաստանում Ազգային ժողովի արտահերթ ընտրությունները կկայանան դեկտեմբերի 9-ին: Նախընտրական քարոզարշավը կմեկնարկի նոյեմբերի 26-ից և կշարունակվի մինչև դեկտեմբերի 7-ը ներառյալ: 

 


© 2009 ARMENPRESS.am