ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի գավաթի խաղարկության կիսաեզրափակչի առաջին ուղեգիրը նվաճեց Երևանի «Ալաշկերտ»-ը:

«Արմենպրես»-ի հաղորդմամբ` Հայաստանի գավաթի խաղարկության քառորդ եզրափակչի պատասխան խաղում «Ալաշկերտ»-ը նվազագույն 1:0 հաշվով գերազանցեց «Արցախ»-ին:

«Ալաշկերտ»-ի կազմում աչքի է ընկել Սարգիս Շահինյանը, ով գոլի հեղինակ է դարձել հանդիպման  90-րդ րոպեին: Այս թիմերի առաջին խաղում Հայաստանի գործող չեմպիոնը հաղթել էր  2:1 հաշվով:

«Ալաշկերտ»-ը դուրս եկավ գավաթի խաղարկության կիսաեզրափակիչ: