Դավիթ Տոնոյանը որևէ կուսակցության ցուցակով չի առաջադրելու իր թեկնածությունը
16:11, 6 Նոյեմբեր, 2018ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: ՀՀ պաշտպանության նախարարի պաշտոնակատար Դավիթ Տոնոյանն առաջիկա խորհրդարանական ընտրություններում որևէ կուսակցության նախընտրական ցուցակով չի առաջադրելու իր թեկնածությունը:
«Արմենպրես»-ի հաղորդմամբ` նա այս մասին վստահեցեց նոյեմբերի 6-ին ԱԺ-ում լրագրողների հետ զրույցում:
«Հաշվի առնելով այն, որ զինված ուժերը պետք է քաղաքական գործընթացից դուրս լինեն, ես կարծում եմ, որ պաշտպանության նախարարի՝ որևէ կուսակցության մեջ ներգրավվելն այնքան էլ ճիշտ չէ: Ես չեմ առաջադրվելու»,-հայտարարեց Տոնոյանը:
Նախարարի պաշտոնակատարը շեշտեց, որ ինքը չի մասնակցելու քարոզարշավին, քանի որ պետք է ապահովի զինված ուժերի՝ քաղաքական գործընթացներից դուրս լինելը: Դա իր սկզբունքային մոտեցումն է: