Նիկոլ Փաշինյանը Լիբանանի վարչապետի հետ սելֆի է հրապարակել
16:35, 20 Հոկտեմբեր, 2018ԵՐԵՎԱՆ, 20 ՀՈԿՏԵՄԲԵՐԻ, ԱՐՄԵՆՊՐԵՍ: Աշխատանքային այցով Բեյրությում գտնվող ՀՀ վարչապետի պաշտոնակատար Նիկոլ Փաշինյանը Ֆեյսբուքի իր էջում լուսանկար է հրապարակել Լիբանանի վարչապետ Սաադ Հարիրիի հետ:
«Պարզվեց՝ Լիբանանի վարչապետ Սաադ Հարիրին նույնպես սելֆիներ անելու սիրահար է: Շնորհակալ եմ ջերմ ընդունելության համար»,- «Արմենպրես»-ի փոխանցմամբ, գրել է Նիկոլ Փաշինյանը:
ՀՀ վարչապետի պաշտոնակատարն արդեն իսկ հանդիպումներ է ունեցել Լիբանանի նախագահ Միշել Աունի և խորհրդարանի նախագահ Նաբիհ Բըրիի հետ: