ՕԵԿ-ի քաղաքապետի թեկնածու Մհեր Շահգելդյանը հուսով է, որ Հայկ Մարությանը կյանքի կկոչի հռչակած նախընտրական ծրագրերը
15:11, 24 Սեպտեմբեր, 2018ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: «Օրինաց երկիր» կուսակցության քաղաքապետի թեկնածու Մհեր Շահգելդյանը շնորհավորեց «Իմ քայլը» դաշինքին Երևանի ավագանու ընտրություններում արձանագրած շոշափելի հաղթանակի կապակցությամբ: Ինչպես տեղեկացնում է «Արմենպրես»-ը, Շահգելդյանը «Ֆեյսբուք»-ի իր էջում, մասնավորապես, գրել է:
«Սիրելի՛ հայրենակիցներ, շնորհավորում եմ «Իմ քայլը» դաշինքին Երևանի ավագանու ընտրություններում արձանագրած շոշափելի հաղթանակի կապակցությամբ: Հույս եմ հայտնում, որ Հայկ Մարությանը կյանքի կկոչի հռչակած նախընտրական ծրագրերը և կարդարացնի երևանցիների վստահությունը»: