ԱԺ-ն Սահմանադրական դատարանի դատավոր ընտրեց Արման Դիլանյանին
12:14, 13 Սեպտեմբեր, 2018ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ազգային ժողովը ՍԴ դատավոր ընտրեց Արման Դիլանյանին:
«Արմենպրես»-ի հաղորդմամբ` նա ընտրվել է փակ քվեարկությամբ:
Ժամանակավոր հաշվիչ հանձնախմբի նախագահ Գագիկ Մելիքյանը ներկայացրեց քվեարկության արդյունքները: 105 պատգամավորից քվեարկությանը մասնակցել է 88-ը: Քվեատուփում առկա է եղել հենց այդքան քվեաթերթիկ, կողմ է քվեարկել 81-ը, դեմ` 7 պատգամավոր:
Դիլանյանը պաշտոնը ստանձնեց ԱԺ ամբիոնից երդման արարողությամբ:
Փակ քվեարկությունն անցկացվել էր սեպտեմբերի 12-ին:
© 2009 ARMENPRESS.am