ՎԱՆԱՁՈՐ, 8 ՍԵՊՏԵՄԲԵՐԻ, ԱՐՄԵՆՊՐԵՍ:  Վանաձորի քաղաքային մարզահամալիրում կայացավ ազատ ոճի ըմբշամարտի Ստեփան Սարգսյանի 23-րդ միջազգային մրցաշարը:

«Արմենպրես»-ի հաղորդմամբ՝ մրացաշրի եզրափակիչ գոտեմարտերին ներկա էին ՀՀ սպորտի և երիտասսրդության նախարար Լևոն Վահրադյանը, Վանաձորի քաղաքմետ Մամիկոն Ասլանյանը, հասարական և քաղաքական այլ գործիչներ:

Թեթևագույն քաշային կարգում (57 կգ) հաղթանակ տոնեց Ազամատ Տուսկաևը, ով գերազանցեց Գարիկ Բարսեղյանին: 61 կգ քաշային կարգում բացահայտ հաղթանակ տոնեց Աշոտ Վելիցյանը: Նրա մրցակիցը ռուս Զագիր Շախիևն էր: 65 կգ քաշային կարգի եզրափակչում մրցում էին Ռուսաստանի երկու ներկայացուցիչներ որտեղ առավել ուժեղ էր Արթուր Բադիևը: 70 կգ քաշային կարգում պարտություն կրեց աշխարհի, Եվրոպայի չեմպիոն Դևիդ Սաֆարյանը՝ զիջելով Սաիպուլա Ալիբոլատովին: 74 կգ քաշում կրկին ոսկե մեդալակիր դարձավ Ռուսաստանի ներկայացուցիչը՝ Խուսեյ Սույունչևը: 79 կգ քաշում հաղթողը Իսա Շապիևն էր, իսկ 86 կգ-ում՝ Գեորգի Ռուբաևը, 92 կգ-ում՝ Ասլանբեկ Սոտիևը: 97 կգ քաշային կարգում մրցում էին Հայաստանի երկու ներկայացուցիչները՝ Շամիր Աթյանը և Գեորգի Կետոևը: 7:0 հաշվով հաղթեց Կետոևը: Ծանր քաշում անգերազանցելի էր Ջիվի Մատչարշվիլին:

Այս տարի մրցաշարի մրցանակայի ֆոնդը կազմում էր 24 հազար ԱՄՆ դոլար: Ստեփան Սարգսյանի անվան մրցաշարին այս տարի մասնակցում էին 15 երկրի 115 ըմբիշներ:

Վարվառա Հայրապետյան

Վանաձոր