ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Իտալիայի Կալաբրիայի հարավային մարզում գետի կտրուկ վարարման զոհերի թիվը հասել Է տասի: Այդ մասին, ինչպես տեղեկացնում Է «Արմենպրես»-ը, հայտնել Է Կալաբրիայի Քաղաքացիական պաշտպանության տարածաշրջանային ծառայության ղեկավար Կառլո Տանսին:

Կոզենցայի նահանգի պրեֆեկտուրայի տեղեկատվության համաձայն՝ երկու Էքսկուրսիոն խմբեր՝ յուրաքանչյուրը՝ 18 մարդ թվաքանակով, օգոստոսի 20-ին գտնվել են Պոլինոյի ազգային բնայգում: Տեղատարափ անձրեւների հետեւանքով Ռագանելլո լեռնային գետի մակարդակը հանկարծ կտրուկ բարձրացել Է, եւ ջրի ուժգին հոսքը քշել-տարել Է շատ զբոսաշրջիկների: Վերջին տվյալներով՝ յոթ մարդ վիրավորվել Է եւ շտապ հոսպիտալացվել: Տուժածների թվում կա մի փոքրիկ աղջիկ, ում տեղափոխել են Կոզենցայի հիվանդանոց՝ գերսառեցման ախտանշաններով: Երեք մարդ առայժմ մնում Է անհայտ կորած, հաղորդել Է ՌԻԱ Նովոստին: