ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Արաբական Միացյալ Էմիրություններում շարունակվում է Աբու Դաբի Մասթերս խոշոր միջազգային մրցաշարը, որտեղ կայացան 4-րդ տուրի պարտիաները:

«Արմենպրես»-ի հաղորդմամբ՝ այս տուրում Գաբրիել Սարգսյանը, Վլադիմիր Հակոբյանը կիսեցին միավորը: Տիգրան Պետրոսյանը հաղթանակ տոնեց, իսկ Էդուարդ Հակոբյանը պարտվեց:

Այս տուրից հետո Գաբրիել Սարգսյանը, Վլադիմիր Հակոբյանը և Տիգրան Պետրոսյանը մեկ միավորով են հետ առաջատար Դանիլ Դուբովից, ով ունի 4 միավոր:

Արաբական Միացյալ Էմիրություններում անցկացվող Աբու Դաբի Մասթերս խոշոր միջազգային մրցաշարին մասնակցում են 31 երկների 158 շախմատիստ: Մասնակիցների թվում են 47 գրոսմայստեր: