Չեխիայում ՀՀ դեսպանի մասին լուրերը կեղծիք են. Տիգրան Բալայան
15:10, 13 Հուլիս, 2018ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Չեխիայի Հանրապետությունում ՀՀ արտակարգ և լիազոր դեսպան Տիգրան Սեյրանյանի կողմից իբր ապօրինի գործողություններ իրականացնելու մասին լուրերը չեն համապատասխանում իրականությանը:
«Արմենպրես»-ի հաղորդմամբ՝ այս մասին «Ֆեյսբուք» սոցիալական ցանցի իր էջում գրել է ՀՀ արտաքին գործերի նախարարի մամուլիս խոսնակ Տիգրան Բալայանը:
«ԱԱԾ գործընկերները հավաստիացրեցին, որ «Ժամանակ» թերթի հրապարակումը կեղծիք է և բնականաբար իրականությանը չի համապատասխանում։ Կարծում եմ՝ հստակ է, թե այդ կեղծիքի պոչը որտեղից է գալիս»,- գրել է Բալայանը։
Ավելի վաղ «Ժամանակ» թերթը գրել էր, թե Չեխիայում ՀՀ դեսպան Տիգրան Սեյրանյանը «տարիներ շարունակ զբաղված է եղել Հայաստանում ապօրինի հարստացած պաշտոնյաների՝ Չեխիայում և Ավստրիայում անշարժ գույքի ձեռքբերմամբ»։