ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Երթի դուրս եկած բրիտանացիները շարժվել են դեպի կենտրոնական Լոնդոն՝ պահանջելով ԵՄ-ից դուրս գալու համար վերջնական քվեարկության անցկացում: «Արմենպրես»-ի փոխանցմամբ՝ այս մասին տեղեկացնում է BBC-ն:

Հազարավոր մարդիկ միացել են դեպի կառավարություն շարժվող երթին Բրիտանիայի՝ ԵՄ-ից դուրս գալու քվեարկության համար: Կազմակերպիչներն ասել են, որ բրեքսիթը դեռ ավարտված գործընթաց չէ, և ժողովուրդը պետք է իր ձայնը լսելի դարձնի:

Սա եղել է այն բանից հետո, երբ նախարարները հավաստիացրել են, որ Միացյալ Թագավորությունը պատրաստվում է դուրս գալ բանակցություններից առանց համաձայնագրի: