ԵՐԵՎԱՆ, 20 ՀՈԻՆԻՍԻ, ԱՐՄԵՆՊՐԵՍ: Chanel ընկերությունը թողարկել Է Les Eaux de Chanel նոր պարֆյումերային հավաքածուն: Այդ մասին, ինչպես տեղեկացնում Է «Արմենպրես»-ը, հաղորդվում Է բրենդի հունիսի 20-ի մամուլի տեղեկագրում:

Դրանում տեղ Է գտել երեք բույր՝ նվիրված երեք ուղղությունների, որոնցով սիրել Է ճանապարհորդել ընկերության հիմնադիր մոդելագործ Գաբրիել Շանելը՝ Paris-Deauville, Paris-Biarritz եւ Paris-Venise (Փարիզից Դովիլ, Բիարից եւ Վենետիկ): Կոմպոզիցիաներն ստեղծվել են Օլիվիե Պոլժի կողմից՝ Chanel-ի պարֆյումերայի լաբորատորիայի հետ համատեղ: Բույրերի 125 միլիլիտր ծավալով սրվակները ձեւով հիշեցնում են տափակաշիշ, որն օգտագործում են ճանապարհորդները, եւ հարմար են ձեռքում պահելու համար: Chanel նորաձեւության տունը Գաբրիել (Կոկո) Շանելի կողմից հիմնադրվել Է Ֆրանսիայում 1909 թվականին:

Առաջին խանութը նա բացել Է 1910 թվականին Փարիզում: Շանելը կանանց նորաձեւության մեջ ներմուծել Է իրանն ընդգրկող ժակետ, փոքրիկ սեւ զգեստ, ուսի վրա կրելու կանանց պայուսակ: Սկզբում նորաձեւության տունն արտադրում Էր միայն հագուստ եւ աքսեսուարներ, այնուհետեւ սկսել Է թողարկել պարֆյումերիա, զարդեր եւ ժամացույցներ 1921 թվականին Շանելը պարֆյումեր Էռնեստ Բոյի հետ միասին թողարկել Է մակնիշի առաջին բույրը՝ Chanel 5-ը: 1924 թվականին ձեռնարկատեր Պիեռ Վերտեյմերի հետ համատեղ դիզայները հիմնել Է ընկերության պարֆյումերային ստորաբաժանումը՝ Parfums Chanel-ը, որը ներկայում զբաղվում Է նաեւ կոսմետիկայի արտադրությամբ: Parfums Chanel-ի գովազդային արշավներին մասնակցել են կինոաստղեր Մերիլին Մոնրոն, Քեթրին Դենյովը, Կիրա Նայթլին, Նիկոլ Քիդմանը, Կարոլ Բուքեն, Օդրի Տոտուն: