ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Հայ կերպարվեստի կարկառուն ներկայացուցիչ, գեղանկարիչ Մինաս Ավետիսյանի ծննդյան 90-ամյակին նվիրված «Մինաս. Հին ու բոլորովին նոր» խորագրով ցուցահանդեսում կմեկտեղվի հեղինակի  շուրջ 100 աշխատանք:

Հետահայաց ցուցահանդեսը կբացվի հունիսի 28-ին Հայաստանի ազգային պատկերասրահում:

«Արմենպրես»-ի հաղորդմամբ` կցուցադրվեն կտավներ Հայաստանի Ազգային պատկերասրահից, Երևանի Ժամանակակից արվեստի, Մայր Աթոռ Սբ. Էջմիածնի, Երևանի Ռուսական արվեստի, Արամ Խաչատրյանի թանգարաններից և հայաստանյան մասնավոր հավաքածուներից: