ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի որոշումներով՝ Մակար Ղամբարյանը և Գաբրիել Բալայանը նշանակվել են ՀՀ պաշտպանության նախարարի տեղակալի պաշտոններում: «Արմենպրես»-ի հաղորդմամբ՝ այս մասին որոշումը տեղադրվել է e-gov.am կայքում:

Փաշինյանի որոշմամբ՝ Ռոբերտ Հարությունյանն ազատվել է ՀՀ արտաքին գործերի փոխնախարարի պաշտոնակատարի պաշտոնից, ԱԳ փոխնախարարի պաշտոնում է նշանակվել Ռուբեն Ռուբինյանը:

Վարչապետի մյուս որոշումներով՝ Էնրիկո Ապրիամովն ազատվել է ՀՀ արտակարգ իրավիճակների նախարար տեղակալի, իսկ Արթուր Պողոսյանը՝ ՀՀ մշակույթի նախարարի տեղակալի, Իշխան Կարապետյանը՝ ՀՀ  գյուղատնտեսության նախարարության սննդամթերքի անվտանգության պետական ծառայության պետի պաշտոնից: