«Մունդիալ-1978». Արգենտինայի առաջին հաղթանակն աշխարհի առաջնությունում
12:32, 29 Մայիս, 2018ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Աշխարհի առաջնության մեկնարկից առաջ «Արմենպրես»-ը ձեզ է ներկայացնում աշխարհի առաջնության պատմական ակնկարկը, հիշեցնում չմոռացվող հերոսների մասին, պատմում նրանց մասին, ովքեր ֆուտբոլը դարձրել են այնպիսին, ինչպիսին մենք գիտենք այն այսօր:
Աշխարհի առաջնության պաստառը
Մունդիալ, որն ընդունեց և հաղթեց Արգենտինան…
Աշխարհի 1974 թվականի առաջնությունը կրկին տեղափոխվեց օվկիանոսից այն կողմ` Լատինական Ամերիկա: «Մունդիալ-1978»-ն անցկացվեց Արգենտինայի 5 քաղաքների (Բուենոս Այրես, Կորդոբա, Մենդոզա, Ռոսարիո, Մար դել Պլացա) 6 մարզադաշտերում: Ամբողջ առաջնության ընթացքին հետևեցին 1,545,791 ֆուտբոլասեր: Մունդիալի լավագույն ռմբարկուն արգենտինացի Մարիո Մեկպեսն էր (6 գոլ): Արգենտինան դարձավ 5-րդ երկիրը, որն ընդունեց աշխարհի առաջնությունը և հաղթեց այդ առաջնությունում: Իրանի և Թունիսի ընտրանիններն պատմության մեջ առաջին անգամ իրենց նորամուտը տոնեցին ԱԱ-ի եզրափակիչ փուլում: Եվ սա վերջին աշխարհի առաջնությունն էր, որտեղ եզրափակիչ փուլին մասնակցեցին 16 թիմեր: Հաջորդիվ ԱԱ-ներում եզրափակիչ փուլին մասնակցեցին 24 թիմեր: Մունդիալի գնդակի հեղինակեց սպորտային հագուստի «Adidas» ապրանքատեսակը, իսկ գնդակը կոչվեց «Adidas Tango»: Առաջնությունում խփվեց 102 գնդակ:
Աշխարհի առաջնության եզրափակիչը
Եզրափակիչը…
Աշխարհի առաջնության չեմպիոնի կոչումը վիճարկեցին Արգենտինայի և Նիդեռլանդների հավաքականները: Եզրափակիչը կայացավ մայրաքաղաք Բուենս Այրեսի «Մոնումենտալ» մարզադաշտում, որին հետևեցին 71 483 հանդիսական: Մեկական գնդակ փոխանակելուց հետո թիմերը ստիպված եղան հաղթողին որոշել լրացուցիչ ժամանակով, որտեղ Կեմպեսի և Բերտոնի գոլերը Արգենտինային առաջին անգամ դարձրին աշխարհի չեմպիոններ: Նիդեռլանդների հավաքականը արդեն երկրորդ անգամ պարտվեց եզրափակչում և կրկին անգամ պարտվելով հյուրընկալող երկրի թիմին:
Փաստեր…
Պատմության մեջ առաջին անգամ աշխարհի առաջնության որակավորման փուլին մասնակցեցին 100 երկիր: Հենց այս աշխարհի առաջնությունը համարվում է ամենաբարդ որակավորման փուլն ունեցող Մունդիալը:
Վերջին աշխարհի առաջնություն էր, որտեղ եզրափակիչ փուլին մասնակցեցին 16 թիմեր:
Կազմեց Վարվառա Հայրապետյանը
© 2009 ARMENPRESS.am