«Բավարիա»-«Ռեալ». Չեմպիոնների լիգայի կիսաեզրափակիչից առաջ
12:25, 25 Ապրիլ, 2018ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Ֆուտբոլի Չեմպիոնների լիգայի կիսաեզրափակիչի երկրորդ խաղում «Բավարիա»-ն հանդես կգա Մադրիդի «Ռեալ»-ի դեմ:
«Արմենպրես»-ի հաղորդմամբ`այս թիմերը միմյանց հետ ունեցել են 24 հանդիպում, և յուրաքանչյուր թիմ տարել է 11 հաղթանակ: «Բավարիա»-ն հակառակորդի դարպասն ուղարկել է 36, իսկ «Ռեալ»-ը` 37 գնդակ: Երկու հանդիպում ավարտվել է ոչ-ոքի արդյունքով:
«Բավարիա»-ի գլխավոր մարզիչ Յուպ Հայնկեսի կարծիքով, ինքը համեստ մարդ է և նմանատիպ խաղերին մոտենում է առանց զգացմունքայնության: Գերմանացի մասնագետին դուր է գալիս, թե ինչպես է «Ռեալ»-ը խաղում Զիդանի գլխավորությամբ:
Իսկ ահա «արքայական ակումբի» գլխավոր մարզիչ Զիդանի կարծիքով, «սերուցքայիններին» հարկավոր է ուժեղ խաղ ցուցադրել «Բավարիա»-ի դեմ խաղում, քանի որ գերմանական ակումբը մեծ կամքի ուժ ունի:
Չեմպիոնների լիգայի կիսաեզրափակիչի «Բավարիա»-«Ռեալ» հանդիպումը կկայանա ապրիլի 25-ին և կմեկնարկի Երևանի ժամանակով 22:45-ին:
© 2009 ARMENPRESS.am