Վահրամ Բաղդասարյանը խստորեն դատապարտել է ԵԿՄ անդամ Նվեր Հովհաննիսյանի սպանությունը
11:30, 25 Ապրիլ, 2018ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Հայաստանի հանրապետական կուսակցության խմբակցության ղեկավար Վահրամ Բաղդասարյանը ցավակցություն է հայտնել Էջմիածնի Երկրապահ կամավորականների միության տարածքային բաժանմունքի փոխնախագահ Նվեր Հովհաննիսյանի մահվան կապակցությամբ: Ինչպես հաղորդում է «Արմենպրես»-ը, ցվակացության մեջ ասվում է.
«Խորապես վշտացած ենք Էջմիածնի ԵԿՄ տարածքային բաժանմունքի փոխնախագահ Նվեր Հովհաննիսյանի մահվան կապակցությամբ: Նման երևույթները ստվերում են մեր երկրի հեղինակությունը, մեզ՝ հայերիս, հարիր չէ եղբայրասպանությունը:
Խստորեն դատապարտում ենք նման երևույթները:
Ցավակցում ենք սիրելի Նվեր Հովհաննիսյանի ընտանիքի անդամներին, ընկերներին, հարազատներին, բարեկամներին, ԵԿՄ ընկերներին ու գործընկերներին: Մեր երկրում նման երևույթները պետք է արմատախիլ արվեն»:
© 2009 ARMENPRESS.am