ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Ուկրաինայի Խարկովի մարզի ռեստորաններից մեկի բակում մարտի 29-ին Ադրբեջանի քաղաքացի է սպանվել: Այս մասին, ինչպես հաղորդում է «Արմենպրես»-ը, հայտնում է ադրբեջանական ԱՊԱ լրատվական գործակալությունը:

«Խարկովի ռեստորաններից մեկում մի խումբ անձինք իրենց ժամանցն անցկացնելուց հետո դուրս են եկել ռեստորանի բակ: Նրանց մոտեցել են մի խումբ անհայտ անձինք և կրակ բացել: Կրակոցների հետևանքով սպանվել է Ադրբեջանի մեկ քաղաքացի, վիրավորվել` մեկ վրացի»,-նշվում է Ուկրաինայի ազգային ոստիկանության տարածած հայտարարության մեջ:

Դեպքի առթիվ հարուցվել է քրեական գործ, հանցագործները որոնվում են: