ՄԻՊ-ն առաջարկում է փոխել կալանավորված անձի կապը ընտանիքի անդամների հետ քննիչի որոշմամբ սահմանափակելու վերաբերյալ դրույթը
14:14, 20 Մարտ, 2018ԵՐԵՎԱՆ, 20 Մ ԱՐՏԻ, ԱՐՄԵՆՊՐԵՍ: Մարդու իրավունքների պաշտպանի աշխատակազմը մշակել է օրենսդրական փաթեթ, որով առաջարկում է փոխել կալանավորված անձի կապը ընտանիքի անդամների հետ քննիչի որոշմամբ սահմանափակելու մասին դրույթը: «Արմենպրես»-ի հաղորդմամբ` մարտի 20-ին «Ընդդեմ Հայաստանի Մարդու իրավունքների Եվրոպական դատարանի վճիռների կատարումը» թեմայով քննարկման ժամանակ այս մասին ասաց Մարդու իրավունքների պաշտպան Արման Թաթոյանը:
«Կարծում եմ, պետք է փոխել այս պրակտիկան: Մենք առաջարկել ենք մի համակարգ, որը նախատեսում է միջդատական վարույթում դատախազի որոշմամբ այդ ակտի կայացում, ինչը լինի նաև դատական ուժեղ վերահսկողության տակ: Որոշումը պետք է լինի հստակ ժամկետներով սահմանափակված և անընդհատ վերանայման ենթակա՝ անկախ նրանից անձը ցանկանում է դա, թե չէ: Ոսումնասիրությունը վկայում է, որ դեպքեր ունենք, որոնք կամայական կիրառության տպավորություն են թողնում»,- ասաց Թաթոյանը:
Նրա խոսքով` չափազանց կարևոր է նաև ոստիկանության բաժիններ բերման ենթարկելիս անձնանց նվազագույն իրավունքների ապահովումը, և այդ հարցը արդյունավետ քննարկվել է ՄԻԵԴ-ում ՀՀ ներկայացուցչի, օրենսդիր և գործադիր մարմինների, ինչպես նաև եվրոպական մի շարք կառույցների ներկայացուցիչների հետ:
© 2009 ARMENPRESS.am