ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հոլիվուդյան դերասանուհի Քեմերոն Դիազը մտադիր Է ավարտել իր կարիերան կինեմատոգրաֆում: Այդ մասին, ինչպես տեղեկացնում Է «Արմենպրես»-ը, գրել Է Metro-ն: Ինչպես նշում Է հրատարակությունը, դերասանուհու որոշման մասին հայտնել Է նրա ընկերուհին՝ Սելմա Բլերը:

Նա պատմել Է, որ լանչի ժամանակ աղջիկները քննարկել են «Լավիկը» ֆիլմը, որում գլխավոր դերը կատարել Է Դիազը: Հենց այդ ժամանակ Էլ նա խոստովանել Է, որ չի պլանավորում նկարահանվել կինոյում եւ ցանկանում Է ավելի շատ ժամանակ անցկացնել իր ամուսնու՝ Good Charlotte խմբի մասնակից Բենջի Մեդդենի հետ: Ավելի վաղ ԶԼՄ-ներում տեղեկատվություն Էր հայտնվել Դիազի հղիության մասին: Ինչպես հայտնել են դերասանուհուն մոտ կանգնած աղբյուրները, «ամենից շատ նա ցանկանում Է մայրանալ, եւ երեխա ունենալը նրան իրապես երջանիկ կդարձներ», հաղորդել Է ՌԻԱ Նովոստին: