ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Ֆուտբոլի Հայաստանի գավաթի խաղարկության կիսաեզրափակչում կայացան առաջին հանդիպումները:

«Արմենպրես»-ի հաղորդմամբ` գավաթային առաջին խաղում «Գանձասար-Կապան»-ը մրցեց Գյումրու «Շիրակ»-ի հետ: Հանդիպումն ավարտվեց ոչ-ոքի` 1:1 հաշվով: «Գանձասար-Կապան»-ից աչքի ընկավ Արա Խաչատրյանը, իսկ «Շիրակ»-ից` Մուսա Բակայոկոն:

Այս թիմերի պատասխան հանդիպումը կկայանա ապրիլի 18-ին:

Կիսաեզրափակչի մյուս խաղում «Ալաշկերտ»-ը կմրցի «Բանանց»-ի հետ` հանդիպումը կկայանա մարտի 8-ին: